चॅटींग...
हरवलेली एक कविता, आज आॅनलाईन भेटली...!
दोन शब्द बोलतानाही, थोडीसी धाकधूक वाटली...!
कव्हरपेज बदलले तरी, डीपी मात्र तोच आहे...!
गोजिरवाण्या नव्या घरात, छान अशी पोज आहे...!
हाय! हॅलो! हाऊ आर यू? केविलवाणे हसली होती...!
आशय सारा जुनाच होता, अक्षरे थोडी पुसली होती...!
डोळे भरून पहायचे होते, नजर मात्र झुकलेली...!
डायरीच्या पापण्यांमधून, दोन फुले सुकलेली..!
घशामधील आवंढा गिळत, कोकचा घोट घेतला...!
खूप काही बोलायचे होते, म्हणून थोडा पॉज घेतला...!
नेहमी शब्द गोठत, आज कीबोर्डवर बोटे रूतली...!
सुचलेच नाही काय बोलू, फक्त एक स्माईली टाकली...!
-- नंदकिशोर.
#काही_पाने...!
No comments:
Post a Comment