जिव्हारी रूतलेला
हवाहवासा काटा तू...
काळजात भरलेला
शब्दांचा साठा तू...
दुःखात उन्मळलेला
भावनांचा ओढा तू...
नकळत ओघळलेला
प्राजक्ताचा सडा तू...
माझ्यातच रमलेल्या
श्वासांचा गाभा तू...
निराशेच्या तळाशी
जगण्याचा वादा तू...
आठवांच्या काळोखात
चकाकणारा पारा तू...
डोळ्यांतून पाझरलेला
आनंदाचा झरा तू...
आवेगात चाललेला
हृदयाचा ठोका तू...
गहिवरल्या मनाला
श्रावणातला झोका तू...
माझ्यातच रुतलेला
कसं सांगू राजा तू...
कळत नाही अजूनही
तुझी मी कि माझा तू...
@boli
No comments:
Post a Comment